जीतु श्रेष्ठ र अनु अधिकारीको स्वरमा रहेको ‘बैमानी बैमानी’ बोलको नयाँ म्युजिक भिडियो सार्वजनिक भएको छ । गीतमा मिलन सुर्खेतीको संगीत तथा योगेन ढोलीको शब्द रहेको छ ।
गीतको भिडियोमा भने नायिका निता ढुंगाना र नायक आमेश भण्डारी जोडी बनेका छन् । कुनै समय गहिरो प्रेममा रहेका नीता र आमेश झण्डै तीन बर्ष अगाडि छुट्टिएका थिए । ब्रेकअप पछि आ–आफ्नो काममा व्यस्त बनेका निता र आमेशले पहिलो पटक सँगै म्युजिक भिडियोमा काम गरेका हुन् । यसअघि उनिहरुले दुई चलचित्रमा सँगै काम गरेका थिए ।
यो भिडियोमा अभिनय गरेसँगै आमेश-नीताको ‘प्याचअप’को खबरहरु पनि आइरहेका छन् । तर, उनीहरुले भने उक्त कुरालाई स्वीकारेका छैनन् । उनिहरु अहिले एक-अर्काको मिल्ने साथी भएको बताउँछन् ।
विदुर शिवाकोटीको निर्देशन रहेको भिडियोमा रोशन दाहालको छायांकन तथा सम्पादन रहेको छ । भिडियोमा निर्देशक शिवाकोटीले नै कोरियोग्राफी गरेका छन् ।
हेर्नुहोस् भिडियो
यहाँ प्रकाशित सामाग्री वा समाचारमा तपाईंको कुनै गुनासो भए हामीलाई [email protected] र [email protected] मा इमेल गरी प्रतिकृया दिन सक्नु हुने छ । आफ्नो वरपरको समाचार, सुचना, जानकारी, सुझाव र सल्लाहरु भए यही ठेगानामा पठाउन सक्नुहुनेछ । -सम्पादक हामीसँग तपाईं फेसबुक र ट्विटरमा पनि जोडिन सक्नुहुन्छ ।
