२०८० मंसिर २४ आईतवार

धरानमा डेंगुका कारण तीन जनाको मृत्यु, हजारौ संक्रमित

सुनसरी । धरानमा बैशाख ३१ गतेदेखि देखिएको डेंगु ज्वरो भयावह बन्दै गएको छ । अहिलेसम्म धरान उपमहानगरपालिकामा हजारौ डेंगु संक्रमित भएका छन भने तीन जनाको मृत्यु भएको छ ।

डेंगुका कारण धरान १५ का मनु सुनुवार, धरान ५ का कुसुम लकान्द्री र एक जना विद्यार्थीको मृत्यू भएको बताईएको छ ।

धरान उपमहानगरपालिकाको स्वास्थ्य शाखाको तथ्याङ्कलाई हेर्ने हो भने अहिलेसम्म धरानमा डेंगु संक्रमितहरुको संख्या २ हजार ८ सय ३ जना पुगेको छ भने १५ दिनको अवधिमा ४ सय ९० जनामा संक्रमण भएको पाइएको छ । तर उता निजी क्लिनिक तथा ल्याव संचालकहरुले भने धरानमा डेंगु संक्रमितको संख्या १० हजार बढी पुगेको दावी गरेका छन् ।

धरान उपमहानगरपालिकाले धरानको वीपी कोइराला स्वास्थ्य विज्ञान प्रतिष्ठान र निजी अस्पताल विजयपुर हस्पिटलबाट मात्रै तथ्याङ्क लिने गरेकोले धरानमा डेंगु संक्रमितहरुको संख्या यकिन हुन नसकेको बताइएको छ ।

पछिल्लो समय धरानमा डेंगु संक्रमणदर उच्च रहेकोले धरानको डेंगु नियन्त्रण सम्वन्धी संचारकर्मीहरुसँगको अन्तत्र्रिmया कार्यक्रममा धरान उपमहानगरपालिका वडानं. १६ का वडाध्यक्ष दिलबहादुर गिरीले धरान १६ मा डेंगु संक्रमणदर उच्च रहेको र घरै पिच्छे बिरामी रहेको बताए ।

सो अन्तत्र्रिmया कार्यक्रममा केन्द्रीय प्रविधि क्याम्पस धरानका उपप्राध्यापक हेमन्त खनालले धरानमा डेंगुको सेरो टाईप टु भाईरस भेटिएको बताउँदै धरान उपमहानगरपालिकामा डेंगु नियन्त्रण सम्वन्धी भईरहेको कार्यक्रम प्रभावकारी नभएको बताए ।

एडिज एजिप्टाई जातको पोथी लामखुट्टेको टोकाईबाट हुने डेंगु ज्वरो धरानमा देखाको यत्तिका समय बितिसक्दा पनि नियन्त्रणमा आउन सकेन । धरानका प्रायजसो निजी क्लिनिक र ल्यावहरुमा बिरामीको चाप बढेको छ । तर यसरी धरानमा डेंगुले महामारीरुप लिनुको मुख्य कारण धरानबासी आफैले लापर्वाही गरेर भएको धरान उपमहानगरपालिका स्वास्थ्य शाखा प्रमुख रामबाबु यादवले बताए ।

डेंगु के हो ? यो कसरी फैलिन्छ भन्ने बारेमा जानकार भएर पनि धरानबासी आफैले लापर्वाही गर्नु नै मुख्य कारण भएको बताउँदै केन्द्रीय प्रविधि क्याम्पस धरानका माईक्रोवायोलोजी प्रमुख धिरेन लिम्वूले भने समुदायमा अझै बुझाउन नसक्नु र जनचेतनाको कमीले डेंगु संक्रमण बढेको हो ।

यसरी धरानमा डेंगु संक्रमणले भयावहरुप लिएकोले अब धरान उपमहानगरपालिकाले प्रदेश र संघीय सरकारलाई पनि सहयोगका लागि पत्रचार गरेको धरान उपमहानगरपालिकाका कार्यवाहक मेयर मन्जु भण्डारी सुवेदीले बताए ।

अब धरानको डेंगु नियन्त्रणलाई प्रभावकारी बनाउन सर्च एण्ड डिस्ट्रोए अभियानलाई तिब्रता दिइने, धरान नगरबासीको घरघरमा अनुगमन गरी फ्रिज, कुलर, एसी, गमलाको अनुगमन गरिने र नगर प्रहरी, नेपाल प्रहरी, सशस्त्र प्रहरी परिचालन गरेर डेंगु नियन्त्रण अभियान चलाइने कार्यवाहक मेयर मन्जु भण्डारी सुवेदीले बताए ।

२०७६ श्रावण १९, आईतवार १०:१० गते 1 Minute 106 Views

यहाँ प्रकाशित सामाग्री वा समाचारमा तपाईंको कुनै गुनासो भए हामीलाई [email protected][email protected] मा इमेल गरी प्रतिकृया दिन सक्नु हुने छ । आफ्नो वरपरको समाचार, सुचना, जानकारी, सुझाव र सल्लाहरु भए यही ठेगानामा पठाउन सक्नुहुनेछ । -सम्पादक हामीसँग तपाईं फेसबुकट्विटरमा पनि जोडिन सक्नुहुन्छ ।