धरान । धरान उपमहानगरपालिकाका नवनिर्वाचित नगर प्रमुख (मेयर) तिलक राईले आज पदभार ग्रहण गरेका छन ।

पदभार ग्रहण गर्दै नगर प्रमुख राईले आम धराने जनताको चासोको विषय रहेको चर्को करबृद्दी बारेमा पुनरावलोकन गर्ने सम्बन्धमा प्रमुख प्रशासकीय अधिकृत विनोद कुमार पोख्रेलले प्रस्ताव गरेको विषयलाई व्यवहारिक र बैज्ञानिक बनाउने निर्णयलाई सबै दल र विज्ञहरुसंगको विशेष छलफल पछी त्यसलार्य सदर गर्ने बताएका छन । उक्त कार्यक्रममा बोल्दै नगरप्रमुख राईले धरान नगरवासीको भावना अनुसार करलाई पुनरावलोकन गरेर कार्यान्वयन गर्ने बताएका छन ।

स्थानिय तहको सरकारमा पक्ष विपक्ष भन्ने हुन्न र यसरी नबुझिदिन समेत उनले आग्रह गरेका छन । उनले धरान उपमहानगरपालिका भित्र आउने सबै मुद्दाहरु एजेण्डाहरु व्यक्तिगत र कुनै पार्र्टी विशेषको नहुने बताउँदै समग्र नगरवासी र नगरको हितमा कार्य गरीने बताएका छन् । नगर प्रमुख राईले भने– नगर बिकाशको लागि प्रमुख प्रशासकीय अधिकृत मेरो सल्लाहकारको रुपमा हुने छन र धरान नगर उप प्रमुख मेरो सहयोगीको रुपमा रहने छन र कर्मचारी साथिहरु समेत मेरो सहयात्रीको रुपमा रहने छन् ।