२०८० चैत्र १५ बिहीबार

पूर्व प्रधानमन्त्री नेपालद्वारा नोबेल अस्पतालको निरीक्षण, राम्रो उपचारले बिरामी सन्तुष्ट पाएको प्रतिक्रिया

बिराटनगर । पूर्व प्रधानमन्त्री एवं नेकपाका बरिष्ठ नेता माधव कुमार नेपालले आज बिराटनगर स्थित नोबेल शिक्षण अस्पतालको निरीक्षण गरेका छन् । अस्पतालमा उपचाररत बिरामीहरुसँग कुराकानीसहित नेता नेपालले न्यूरो र कार्डियोमा नोबेलले भित्र्याएको नयाँ प्रबिधिको निरीक्षण गरेका हुन् ।

नोबेल अस्पतालका सञ्चालक डा.सुनिल शर्मा, अस्पताल निर्देशक डा.राजेश नेपाल लगायतले नेता नेपाललाई अस्पतालका बिभिन्न कक्षसहित अत्याधुनिक उपकरणको अवलोकन गराएका थिए । नेता नेपालले दक्षिण पूर्वी एशियामै पहिलो पटक नोबेलले सुरु गरेको अत्याधुनिक न्यूरो सर्जरी सेवा, शल्यक्रिया कक्ष, थ्री तेस्ला इन्ट्राअपरेटिभ फङ्सनल एमआरआइ, ओपन हार्ट सर्जरी आइसीयू कक्ष लगायतको अवलोकन गरेका छन् ।

अस्पताल निरीक्षणपछि सञ्चारकर्मीसँगको कुराकानीमा नेता नेपालले नोबेलमा राम्रो उपचारका कारण बिरामीहरुको चाप बढीरहेको पाएको प्रतिक्रिया दिए । ‘बिरामीहरु सन्तुष्ट भएको पाईयो । नोबेलले उपचारमा नयाँ–नयाँ उपकरण ल्याएको रहेछ । यहाँको भीड हेर्दा पक्कै पनि नोबेलले राम्रो उपचार गर्दो रहेछ भन्ने लाग्यो ।’ नेता नेपालले भने ।

अस्पतालहरुले राम्रो उपचार गरेर बिरामीलाई सन्तुष्ट बनाउँनुपर्नेमा जोड दिदै नेता नेपालले नोबेलमा अत्याधुनिक उपकरणको प्रयोग गरेर बिरामीको उपचार भईरहेको देख्दा खुःशी लागेको बताए । सो अवसरमा नेता नेपालले नोबेलमा उपचाररत नेकपाका स्थानीय नेता कृष्ण बोगटी लगायतको स्वास्थ्य अवस्था जानकारी लिएर सिघ्र स्वास्थ्य लाभको कामना व्यक्त गरेका छन् ।

२०७६ माघ २४, शुक्रबार १५:४१ गते 0 Minutes 55 Views

यहाँ प्रकाशित सामाग्री वा समाचारमा तपाईंको कुनै गुनासो भए हामीलाई [email protected][email protected] मा इमेल गरी प्रतिकृया दिन सक्नु हुने छ । आफ्नो वरपरको समाचार, सुचना, जानकारी, सुझाव र सल्लाहरु भए यही ठेगानामा पठाउन सक्नुहुनेछ । -सम्पादक हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार