-अर्जुन जम्नेली राई
मोरङ । लकडाउनको कारण लामो समयदेखि विचल्नीमा परेका आफ्नो क्षेत्रका जनता मोरङको पथरी शनिश्चरे नगरपालिकाले आजबाट ल्याउन सुरु गरेको छ ।
महिनादिन लामो लकडाउनबाट प्रभावित नगरबासीलाई घर फर्काउन थालिएको हो । सोही प्रयास स्वरुप आज (बैशाख १३) गते १७१ जना नागरिकलाई नगरपालिका ल्याइएको नगर उपप्रमुख यमुना विष्ट बास्तोलाले बताइन् । सात वटा बस रिजर्व गरी घर फर्किन चाहने नागरिकलाई ल्याएका हुन् ।
पथरीशनिश्चरे आएका सम्पूर्णको स्वास्थ्य कर्मीहरुले ज्वरो नापिएको थियो । पथरीको रंगशालामा सामाजिक दुरी कायम गर्दै सेनिटाइजसर लगाइदिनुको साथै कोक, पानी र विस्कुट वितरण गरिएको थियो । काठमाडौबाट आएको सात वटै बसलाई समेत सेनिटाइज गरिएको थियो । पथरी आएका सम्पूर्णलाई होम क्वारेन्टाइनमा बस्न स्वास्थ्यकर्मी मुरारी आचार्यले सुझाव दिएका थिए ।
काठमाडौबाट आएका नागरिकलाई स्वागत तथा स्वास्थ्य सल्लाह दिन नगरप्रमुख दिलिपकुमार राई, उपप्रमुख यमुना विष्ट वडा नम्बर १ का अध्यक्ष बाबुराम एङ्देन, २ को यमनाथ गुरागाई, ३ को डम्बर चेम्जोङ, ४ को गोविन्द भण्डारी, ५ को जयबहादुर तामाङ लगायतका वडा अध्यक्षहरु रंगशाला पुगेका थिए । त्यहाँ पथरी उद्योगा वाणिज्य संघका अध्यक्ष दीपक बस्नेत, पथरी प्रहरी प्रमुख डीएसपी दिलिपकुमार गिरी, समाजसेवी प्रदीपकुमार राई, विजय डाँडी, कमल हाङबाङ, दुर्गा भट्टराई लगायतको टोली सहयोग पु¥याएका थिए । सुरुमा १० नम्बर वडा अध्यक्ष सागर राई आफ्नो वडाको जनता लिन काठमाडौं गएका थिए ।
समाजिक सञ्जालमा सूचना गर्दा घर फिर्ने जनताको संख्या बढेपछि नगरभरीको ल्याउनु परेको अध्यक्ष राईले बताए । १० नम्बर वडा अध्यक्षको नेतृत्वमा आएको पाँच वटा बसको लागि दुई लाख ५० हजार खर्चहुने राईले बताए । जसमा ६१ हजार भाडा उठेको बाँकी रकम नगरपालिकाबाट खर्च हुने बताइएको छ ।
पथरीमा सात वटा सब ल्याइएको हो । घर आउन चाहने आफ्नो नागरिकलाई ल्याउने सल्लाह भइरहेको बुझिएको छ ।
२०७७ बैशाख १३, शनिबार ०८:४१ गते
1 Minute
10 Views
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
