२०८० फाल्गुन ११ शुक्रबार

मोरङ पथरीको अस्थायी क्वारेन्टाइनमा चार जना

– अर्जुन जम्नेली राई

मोरङ । भारतबाट घर फर्किएका चार जनालाई मोरङको पथरी शनिश्चरे नगरपालिका कार्यालयले खडा गरेको अस्थायी क्वारेन्टाइन आज राखिएको छ ।

नगरस्तरीय कोरोना भाइरस जोखिम न्यूनिकरण समन्वय समितिको व्यवस्थापनमा पथरी बहुमुखी क्याम्पसमा स्थापना गरिएको अस्थायी कारेन्टाइन ‘होल्डिङ एरिया’ मा भारतबाट आएका नगरवासीलाई राखिएको छ ।

उपचारका लागि सिलिगुडीस्थित बाघडोग्रा गएका पथरी शनिश्चरे १ का २ जना र रोजगारीका लागि कालेङपोङ गएका २ जना गरी ४ जना पुरुषलाई प्रारम्भिक रुपमा त्यहाँ राखिएको हो ।

भारत लगायतका देशबाट नेपाल फर्किएकाहरुका लागि कोरोना संक्रमणबाट जोगाउने योजनामा खाना र सुरक्षित बसोबासको प्रवन्ध गर्दै हाललाई होल्डि एरियामा १५ वटा बेड तयार गरिएको छ ।

त्यसरी घर आउनेहरुलाई क्वारेन्टाइनमा जानु अघि सुरक्षित रुपमा छुट्टै राख्न सरकारको योजना अनुरुप नगरपालिकाले पनि ‘होल्डिङ एरिया’ खडा गरको हो । ‘होल्डिङ एरिया’ बाट क्वारेन्टाइनमा पठाएर आवश्यक अनुरुपको स्वास्थ्य चेकजाँच गराइन्छ ।

२०७७ जेष्ठ ९, शुक्रबार १७:१४ गते 0 Minutes 77 Views

यहाँ प्रकाशित सामाग्री वा समाचारमा तपाईंको कुनै गुनासो भए हामीलाई [email protected][email protected] मा इमेल गरी प्रतिकृया दिन सक्नु हुने छ । आफ्नो वरपरको समाचार, सुचना, जानकारी, सुझाव र सल्लाहरु भए यही ठेगानामा पठाउन सक्नुहुनेछ । -सम्पादक हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार