धरान १५ का १० बर्षीय बालकमा कोरोना संक्रमण पुष्टि

Spread the love

साउन-२३, धरान । धरान- १५ स्थित डेेेरा गरी बस्ने उपमहानगरपालिकाका एक कमर्चारीको छोरामा कोरोना संक्रमण पुष्टि भएको छ ।

१० बर्षीय बालकमा कोरोना संक्रमण पुष्टि भएको धरान उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिए । उनको साउन २० गते स्वाब लिइएको थियो । उनीसँगै आमा र हजुरआमाको पनि स्वाब संकलन गरिएको भएपनि अहिले ती बालकको मात्र रिपोर्ट आए हो । उनका अुनसार २१ गते १३० जनाको स्वाब संकलन गरिएको थियो । हिजो ति मध्य हिजो एक जना तरकारी व्यापारीको कोरोना संक्रमणन पुष्टि भएको थियो ।

मेहताका अनुसार धरान उपमहानगरपालिकाकी महिला कर्मचारीको छोरा हुन् । उनको आमा र हजुर आमालाई पनि ज्वारो आएको थियो । आमा र हजुरआमाको भने रिपोर्ट आउन बाँकी रहेको छ । योसँगै धरानमा कोरोना संक्रमण हुनेको संख्या ४२ पुगेको छ ।

44210cookie-checkधरान १५ का १० बर्षीय बालकमा कोरोना संक्रमण पुष्टि

प्रतिकृया दिनुहोस्