धरानमा कोरोना सङ्क्रमण तीव्र गतिमा बढ्दै, एकै दिन ६९ जनामा कोरोना सङ्क्रमण पुष्टि

असोज-१७, धरान । लकडाउन खुले सँगै धरान पछिल्लो समय कोरोना संक्रमण संख्या ह्वात्तै बढेको छ ।

हिजो मात्रै धरानमा दिउसो ८ जना र साँझ अबेर ६१ जना गरी ६९ जनाको एकै दिन कोरोना सङ्क्रमण पुष्टि भएको छ ।

हिजो सङ्क्रमित हुनेहरूमा धरान उपमहानगरपालिकाका कर्मचारी, धरान १२ र धरान २ का जनप्रतिनिधि र स्वाब सङ्कलन गर्ने व्यक्तिमा पनि कोरोना सङ्क्रमण पुष्टि भएको धरान उपमहानगरपालिकाका स्वास्थ्य महाशाखाका प्रमुख उमेश मेहेताले बताए ।

मेहताका अनुसार वीपी कोइराला स्वास्थ्य विज्ञान प्रतिष्ठानमा स्वाब सङ्कलन गरिएका मध्ये १९ जनालाई सङ्क्रमण पुष्टि भएको छ भने बिहीबार एन्फा क्वारेनटिनमा लिएकाहरूमा ४२ जना गरी हिजो साँझ ६१ जनाको रिपोर्ट पोजेटिभ आएको छ ।

धरान १२, १६ र धरान १५ को वडा कार्यालय र धरान उपमहानगरपालिकाको सूचना र घर नक्सा फाट पनि बन्द गरिएको छ । तर बजारमा भने अलिकति पनि सामाजिक दुरी कायम गरेको सर्वसाधारणले देखिँदैन ।

दक्षिण एसियाकै सबै भन्दा ठूलो र सुविधा सम्पन्न वीपी कोइराला स्वस्थ्य विज्ञान प्रतिष्ठान धरानमा दैनिक ५/७ हजारको संख्यामा उपचारको लागि मानिसहरु आउने गर्दछन जहाँ सुरक्षाको लागि कुनै नियम पालना गरेको देखिदैन यसले पनि खतराको संकेत गरीरहेको छ ।

धरानमा कोरोना संक्रमणदर दिनानुदिन वृद्धि भइरहेको बेलामा धरान बजार भने अस्तव्यस्त देखिन्छ । असोज १ गते देखि सार्वजनिक यातायात सञ्चालनमा आए पनि सार्वजनिक यातायातमा स्वास्थ्य मापदण्ड अपनाइएको खासै देखिँदैन । भानुचौकको बसपार्कको भिड पहिलेको जस्तै अवस्था छ ।

छुटाउनु भयो कि ?

कोरोना संक्रमण ब्यबस्थापन केन्द्रका संयोजक मुख्यमन्त्री शेरधन राईको निर्देशन, संक्रमितहरुको उपचारमा ढिला सुस्ती नगरौ जनगुनासो आउन थालेपछि, वीपीका पदाधिकारीहरुलाई मुख्यमन्त्री राईको निर्देशन भोजपुर हतुवागढीका तीन जना भारतिय सेनामा कोरोना संक्रमण पुष्टि संक्रमित बढे संगै भोजपुरमा एक हप्ता लकडाउन, संक्रमितको सख्या २० पुग्यो १ नम्बर प्रदेशमा ७७ जना संक्रमित थपिए, थप ३ जनाको मृत्यु पूर्ब गोर्खा सैनिक तथा जनता समाजवादीका नेता गजेन्द्र ईस्वोको निधन अन्त्येस्तिको लागि चितामा राखेकाे कोरोना स‌क्रमितकाे शवमा रगत देखिएपछि परिवारजन आक्रोसीत विराटनगरका तीनवटा कोभिड अस्पतालमा उपचाररत ८ जना कोरोना संक्रमितको मृत्यु