२०८० जेष्ठ १७ बुधबार

नोबेलका विद्यार्थीलाई पीपीई प्रदान

कात्तिक-२६ विराटनगर । नेपाल मेडिकल स्टुडेन्ट सोसाईटीले नोबेल मेडिकल कलेजका प्रशिक्षार्थी डाक्टर (इन्टर्न) लाई पीपीईसहित स्वास्थ्य सुरक्षा सामाग्री प्रदान गरेको छ । कलेजमा एमबीबीएस अध्ययनका क्रममा इन्टर्नसिप गर्दै आएका ९० जनालाई सोसाईटीले पीपीई, मास्क, फेससिल्ड, सेनिटाईजर लगायत स्वास्थ्य सुरक्षा सामाग्री प्रदान गरेको हो ।

सोसाईटीले कलेजमा आयोजना गरेको कार्यक्रममा प्राचार्य डा.रामहरी घिमिरे, नेपाल मेडिकल एसोशिएसनका कोशी अञ्चल अध्यक्ष डा.फरवार्ड सिलवाल, सोसाईटीका कार्यक्रम व्यवस्थापक सबिन रेग्मी लगायतले सामाग्री हस्तान्तरण गरेका छन् । कोरोनाको महामारीका बेला उपचारको अग्रमोर्चामा खटिरहेका इन्टर्नहरुलाई सुरक्षित राख्न सामाग्री प्रदान गरिएको सोसाईटीका कार्यक्रम संयोजक राजेश शर्मा पौडेलले जानकारी दिए ।

सोसाईटीले हालसम्म काठमाडौं मेडिकल कलेज, गण्डकी मेडिकल कलेज लगायत ८ वटा कलेजमा कार्यरत करिब ६ सय इन्टर्नहरुलाई सामाग्री प्रदान गरिसकेको छ । ताईवानस्थित चुजी फाउण्डेशनको सहयोगमा सामाग्री प्रदान गर्दै आएको सोसाईटीले देशभरका १४ मेडिकल कलेजका करिब ९ सय इन्टर्नलाई सामाग्री प्रदान गर्ने जनाएको छ ।

२०७७ कार्तिक २६, बुधबार ०८:३६ गते 1 Minute 26 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुकट्विटरमा पनि जोडिन सक्नुहुन्छ ।