भोजपुरमा टेम्पो दुर्घटनामा घाईते भएकालाई हेलिकोप्टरबाट काठमाडौ लगियो

-शारदा तामाङ राई
कार्तिक-२९ भोजपुर । भोजपुर नगरपालिका ९ भोटे पसलमा टेम्पो दुर्घटना हुदा २ जना घाईते भएका छन । जिल्लाको पौवादुम्मा गाउपालिका १ श्यामशिला बाट हटिया आउदै गरेको को २ ह २०७५ नम्बरको टेम्पो शनिवार बिहान दुर्घटना हुदा २ जना घाईते भएको हुन ।
अटो टेम्पोले पैदल यात्रीलाई ठक्कर दिदा दुर्घटना भएको हो । दुर्घटनामा भोजपुर नगरपालिका ५ बोखिमकी २१ बर्षिय पैदल यात्री मनिषा श्रेष्ठ र भोजपुर नगरपालिका ११ आम्तेकका ३६ बर्षिय टेम्पो चालक राम बहादुर बुढाथोकी घाईते भएका छन । घाईते मध्य आखा र टाउकोमा गहिरो चोट लागेका श्रेष्ठको अवस्था गम्भीर रहेको छ ।
चालक बुढाथोकीको भने हात भाचिएको ट्राफिक प्रहरी जवान बिक्रम राईले बताए । घाईते दुवै जनालाई थप उपचारका लागि हेलिकोप्टर बाट काठमांडौ लगिएको जिल्ला प्रहरी कार्यालय भोजपुरले जनाएको छ ।

 

 

प्रतिकृया दिनुहोस्