कोरोना खोप लगाएको तीन घण्टा नबित्दै एक वृद्धको मृत्यु

साउन-८, काठमाडौं । धादिङमा कोभिड-१९ विरुद्धको जोनसन एण्ड जोनसन खोप लगाएका एक वृद्धको मृत्यु भएको छ । यद्यपि उनको मृत्युको कारण भने खुल्न सकेको छैन ।

धादिङको निलकण्ठ नगरपालिका–६ का ७८ वर्षीय वृद्धको खोप लगाएको झण्डै पौने तीन घण्टा पछि मृत्यु भएको जिल्ला स्वास्थ्य कार्यालय धादिङका स्वास्थ्य प्रमुख डा. भुवन पौडेलले जानकारी दिए ।

डा. पौडेलका अनुसार, ‘सुनौला बजार स्वास्थ्य केन्द्रमा उहाँले आज विहान साढे ११ बजे तिर खोप लगाउनु भएको रहेछ । आधा घण्टा जति खोप केन्द्रमा आराम गरेपछि घर जानु भएको रहेछ । तर त्यसको झण्डै एकघण्टा पछि उहाँ बेहोस जस्तो हुनुभएपछि फेरि स्वास्थ्य केन्द्रमा परिवारका सदस्यले ल्याएका रहेछन् ।’

स्वास्थ्य केन्द्रमा प्राथमिक उपचारपछि उनलाई थप उपचारका लागि जिल्ला अस्पताल धादिङ ल्याएकोमा उपचारका क्रममा २ः१५ बजे चिकित्सकले मृत घोषणा गरेको डा. पौडेलले बताए ।

डा. पौडेलका अनुसार स्वास्थ्य केन्द्र नजिकै घर रहेका वृद्ध क्रोनिक डाइबेटिजका बिरामी थिए । परिवारका सदस्यका अनुसार एक पटक मात्रै लगाए हुने जे एण्ड जे खोप लगाउन उनले अरु खोप लगाएका थिएनन् । वृद्धको मृत्यु के कारणले भयो भन्नेबारे केही नखुलेको डा. पौडेल बताए ।

वृद्धको मृत्युबारे स्वास्थ्य मन्त्रालयलगायत अन्य सम्बन्धित ठाउँमा रिपोर्ट दिने काम भइसकेको उनले बताए ।

धादिङका प्रमुख जिल्ला अधिकारी ज्ञानप्रसाद ढकालले खोप लगाएका एक वृद्धको अस्पतालमा उपचारको क्रममा मृत्यु भएको जानकारी आफूले पाएको बताए । अन्य विषयमा बुझ्ने काम भइरहेको उनको भनाइ छ ।

छुटाउनु भयो कि ?

कोरोना संक्रमित संख्यामा भारत १० औं स्थानमा, मृत्यू संख्या ४ हजार माथी, संक्रमित १ लाख ३८ हजार नाघ्यो इटहरीमा थप ९ जनामा कोरोना संक्रमण पुष्टि, इटहरीमा संक्रमित संख्या १ सय २५ पुग्यो संक्रमित बढे संगै भोजपुरमा एक हप्ता लकडाउन, संक्रमितको सख्या २० पुग्यो मन्त्री घिमिरे १७ दिनपछि कोरोनामुक्त वीपी प्रतिष्ठानमा थप २ जना कोरोना संक्रमितको मृत्यु, प्रतिष्ठानमा मृत्यु हुनेको संख्या ३३ पुग्यो काेराेनाबाट १३ जनाकाे मृत्यु, ४९६ नयाँ सङ्क्रमित पहिचान प्रदेश १ मा संक्रमित संख्या तिब्रगतिमा बृद्दी, आजमात्रै १२९८ थपिए हतुवागढी गाउँपालिकामा एक स्वास्थ्यकर्मी सहित थप ४ जनामा कोरोना संक्रमण पुष्टि, संक्रमीत संख्या ३० पुग्यो