-विशाल राई
चैत-१६, धरान । साकेला सीलिलाई पछ्याउँदै ढोल र झ्याम्टाको धुनले गुन्जिएको नाटककोलागी सजिएको मंच, जहाँ एक हुल जमात साकेला नाच्दै रामाउदै आ-आफ्नो बाटो लाग्छ्न।

त्यही पृष्ठभुमिलाई टेकेर एक प्रेमिल जोडिको कथा सुरु हुन्छ। त्यही जोडि विवाह बन्धनमा बाधिए संगै घरको आर्थिक र सामाजिक दायित्वले बाधिएको एउटा पुर्बेली राई केटो वैदेशिक रोजगारिको परदेश लाग्छ। यहि कथाको पेरिफेरिमा सलल बगेको दृश्यहरुले कहिले दर्शकहरुलाइ हसाउछ त कहिले रुवाउछ।

हराउदै गरेको नाटकहरुको पुस्ता पुनर्जीबित गर्ने र नाटकको वास्तविक स्वाद दर्शक हरुलाई चखाउने निरन्तर प्रयासमा रहेको एक नाटक समूह पुर्वको धरानमा रहेको “रंगभुमी ” एकेडेमीको समूह पनि हो। विष्णु मोक्तानको नेतृत्वमा रहेको यस समूहले निरन्तर नाटक प्रस्तुत गरिरहेको छ। यहि समुहका युवा निर्देशक हुन मिलन चाम्लिङ राई ।

रंग कर्ममा रमाइ रहेका निर्देशक राईको यो दोश्रो निर्देशन हो भने यस “बन्द बाक्सा” नामक नाटकका कथा समेत उनी आफैले लेखेका हुन। पुर्वको माझ किरात तिरको स्थानीय बोलिचालीको सम्बाद र नाटकमा देखिने मौलिक दृश्यहरुले दर्शकलाई एकै छिनको लागि त्यही गाउघर र त्यहीँ परिवेशमा पुर्याउनु सक्छ।

देशको राजनैतिक र आर्थिक अवस्था अनि गाउघरका गाउले जीवन हेर्दा हेर्दै मीठो सन्देश दिएर नाटक कति बेला सकिन्छ थाहा नै हुदैन।

धरान १० स्थित रहेकाे शैनीक भवनमा चैत २७ गते देखि बैशाख ३ गते सम्म नाटक बन्द बाक्सा हरेक दिन ४:३० बजे मञ्चन हुनेछ भने शुक्रवार र शनिवार भने दिउसाे १ बजे समेत हेर्न सकिने निर्देशक राइले बताए ।