२०८० चैत्र १६ शुक्रबार

थप ४ सय ३८ जनामा कोरोना संक्रमण, २ जनाको मृत्यु, धरानमा ८ जनामा संक्रमण देखियाे

साउन-१४, काठमाडौं । पछिल्लो २४ घण्टामा ४ सय ३८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार तीन हजार ६ सय ९९ परीक्षणमा ४ सय ३८ जनामा संक्रमण पुष्टि भएको हो । एक हजार ७ सय ७९ पीसीआर परीक्षणमा २ सय ९२ जना र एक हजार ९ सय २० एन्टिजेन परीक्षणमा १ सय ४६ जनामा संक्रमण पुष्टि भएको छ ।

पछिल्लो २४ घण्टामा २ सय ७७ जना संक्रमणमुक्त भएका छन् । मन्त्रालयका अनुसार कोरोना संक्रमणका कारण पछिल्लो २४ घण्टामा दुई जनाको मृत्यु भएको छ । हाल देशभर कोरोना भाइरसको सक्रिय संक्रमितको संख्या चार हजार ३ सय ६९ रहेको छ ।

सक्रिय संक्रमितमध्ये चार हजार २ सय १८ जना होम आइसोलेसनमा र १ सय ५१ जना संस्थागत आइसोलेनमा छन् । संस्थागत आइसोलेसनमा रहेकामध्ये ३३ जना आईसीयूमा र ४ जना भेन्टिलेटरमा रहेका छन् ।
कोरोना संक्रमणका कारण हालसम्म नेपालमा ११ हजार ९ सय ६६ जनाको मृत्यु भइसकेको छ ।

संक्रमितमध्ये आज धरानमा मात्रै १७ जनामा परिक्षाण गर्दा ८ जनामा संक्रमण पुष्टि भएको छ।

२०७९ श्रावण १४, शनिबार १३:२८ गते 1 Minute 94 Views

यहाँ प्रकाशित सामाग्री वा समाचारमा तपाईंको कुनै गुनासो भए हामीलाई [email protected][email protected] मा इमेल गरी प्रतिकृया दिन सक्नु हुने छ । आफ्नो वरपरको समाचार, सुचना, जानकारी, सुझाव र सल्लाहरु भए यही ठेगानामा पठाउन सक्नुहुनेछ । -सम्पादक हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार