भदाै-२३, धरान । जनता समाजवादी पार्टी (जसपा)ले आगामी निर्वाचनका लागि उम्मेदवारको नाम टुंग्याएको छ । जिल्ला स्थित पार्टी अध्यक्ष केशव मगरको अध्यक्षतामा बुधबार बसेको बैठकले उम्मेदवारहरुको नाम टुंग्याएको हो ।
उदयपुर जिल्ला क्षेत्र नंं. १ (क)मा गणेश पुमा राईको नाम सिफारिस गरेको छ ।

प्रतिनिधिसभा सदस्यका लागिभने पार्टीका वरिष्ठ नेता अशोक राईको गृह जिल्ला भएकोले बरिष्ठ नेता राईको मानार्थ नाम सिफारिस भएको छ भने गोपाल राई र कौशिला राईको नाम पनि सिफारिस भएको  गोपाल राईले बताए ।समानुपातिक तर्फ उर्मिला राई, बाबुराम राई, सुरेन्द्र राई, मणिकुमार राई, भुपेन्द्र राई, विश्व राई, अञ्जना राई र दुर्गा राईको नाम सिफारिस गरेको छ ।

प्रदेशसभाकै (ख) का लागि प्रदिप चौधरी र नवराज राईको नाम सिफारिस भएको छ । समानुपातिक तर्फ खेमनारायण यादव, ओसन घिमिरे, भिम विक, महम्मत इस्लाम र विनोद चौधरीको नाम पठाइएको पार्टीले जनाएको छ ।

त्यसैगरी, प्रतिनिधिसभा क्षेत्र नं. २ को प्रत्येक्षततर्फ सिद्धान्त राई र पदम लामाको नाम सिफारिस भएको छ । समानुपातिक तर्फ दिपक माझि, फुलसरी राई, गौरीशंकर उदास र अगमशेर राई रहेका छन् । प्रदेशसभा २ (क) प्रत्येक्ष तर्फ विश्वराज राईको नाम सिफारिस गरेको छ ।

समानुपातिक तर्फ बसन्तकुमार राई, घनश्याम कटवाल, हस्तशोभा राई, प्रतिनिधिसभा २ (ख) मा केशव आलेको नाम सिफारिस गरेको छ । समानुपातिक तर्फ बुद्धिमान तामाङ र शुसिलाकुमारी मगरको नाम सिफारिस भएको  राईले बताए ।